Ökutæki á útboði
Öll ökutæki sem tilheyra ákveðnu útboði. Hægt er að gera tilboð í öll
ökutækin á útboðinu svo lengi sem notandi er innskráður. Smellið
hér til að læra meira um hvernig á að gera tilboð í útboðsvörur.
Nr. - Er númerið sem bifreiðin er merkt með í Þjónustumiðstöð VÍS,
Kópavogi.
Tegund - Framleiðandi og undirtegund ökutækis
Staðsetning - Langflest ökutæki eru geymd í Þjónustumiðstöð VÍS,
Kópavogi en einnig hefur VÍS útibú á Egilsstöðum og Akureyri. Ef ökutæki eru
geymd annars staðar en á þeim stöðum þá er það sérstaklega tekið fram.
Nýskráður - Nýskráningardagsetning ökutækisins þegar það var sett
á götuna.
Fastanúmer - Skráð fastanúmer ökutækisins
Ekinn - Hér er að finna heildarakstur ökutækisins þegar það kemur inn
til VÍS. Vegalengd getur verið í kílómetrum (Km), mílum (Mi) eða
vinnustundum (Stundir).
Gírar - Fjöldi gíra sem ökutækið hefur. Ssk. stendur fyrir
að ökutækið sé sjálfskipt.
Hurðir - Fjöldi hurða sem ökutækið hefur
Ástand - Ökutæki getur verið heilt, skemmt eða skilgreint sem
tjónabíll. Sé ökutæki skemmt telst það til minniháttar skemmdar, eins
og eftir umferðaróhapp en sé það skilgreint sem tjónabíll er búið að
skrá það sem óökuhæft og verður það meðhöndlað sem slíkt.
Heilt ökutæki er í fullu lagi og krefst engrar sérstaka viðgerða sem vert
er að minnast á.
Aðrir hlutir á útboði
Allar vörur, aðrar en ökutæki, sem tilheyra ákveðna útboði. Hægt er að gera
tilboð í alla þessa hluti svo lengi sem notandi er innskráður.
Smellið hér til að læra meira um hvernig á að gera tilboð í útboðsvörur.
Nr. - Er númerið sem hluturinn er merktur með í Þjónustumiðstöð VÍS,
Kópavogi.
Vara - Er stutt lýsing á vörunni. Venjulega er tegund vöru eins
og ísskápur eða eldavél og heiti framleiðandans eins og AEG eða Phillips um að
ræða.
Lýsing - Er stutt lýsing á hlutnum sem skrifuð er af starfsmönnum
Þjónustumiðstöðvar VÍS.
Ástand - Vara getur verið skemmd eða heil og fer það alfarið eftir
ástandi hlutarins þegar hann kemur til VÍS hvora skilgreininguna hann fær.
Tilboðin mín á opnum útboðum
Hér er að finna öll tilboð sem tilheyra notanda á opnum útboðum. Þetta þýðir að
ef notandi hefur gert tilboð í útboðsvöru þá sjást þau hér svo lengi sem
útboðið er opið. Þegar útboðinu lýkur flytjast upplýsingarnar yfir í
'Tilboð á síðustu útboðum' þar sem hægt er að fylgjast nánar með tilboðunum.
Til að breyta tilboðum sem gerð hafa verið er smellt á færsluna sem á að breyta
og er notandi þá fluttur á þá síðu sem hann upprunalega gerði tilboðin á.
Smelltu hér til að læra meira um tilboð.
Tilboðin mín á síðustu útboðum
Hér er að finna öll tilboð í vörur sem notandi hefur gert í útboðsvörur sem eru
á útboðum sem eru liðin eða eru í vinnslu. Þegar útboð eru í vinnslu er hægt að
fylgjast með hvernig staða tilboðanna breytist meðan verið er að vinna úr þeim.
Ekki er hægt að breyta tilboðum eftir að útboði lýkur.
Staða hvers útboðs er að finna á eftir tiltli útboðsins. Útboð í þessum lista
geta verið 'Í vinnslu' eða 'Lokið '.
Sé útboð í vinnslu þá er verið að vinna úr tilboðum sem bárust í útboðsvörurnar
og hægt er að fylgjast með framvindu tilboða hér. Sé útboði lokið þýðir
það að búið er að afgreiða öll tilboð sem bárust í útboðsvörurnar og ekki
verður unnið frekar úr tilboðum sem bárust. Sé hlutur seldur þá merkist hann
með rauðum stöfum '(seld)' á eftir heiti vörunnar.
Á lágmarki
Útboðsvörur á lágmarki eru með ákveðið verð sem hægt er að kaupa vöruna á. Hér
er um að ræða fyrstur kemur, fyrstur fær. Ekki er hægt að gera tilboð í þessar
vörur, heldur er bent á að hafa samband í síma 560-5246 eða 560-5249.
Upplýsingar um ökutæki
Hér er að finna nánari upplýsingar um ökutækið.
Í einkaeign
Þýðir að VÍS er ekki eigandi ökutækisins. Notendur gera tilboð í ökutækið eins
og venjulega nema að útboðinu loknu sér eigandi ökutækisins um að hafa samband
við tilboðshafa.
Ástand
Ökutæki getur verið heilt, skemmt eða skilgreint sem tjónabíll. Sé ökutæki
skemmt telst það til minniháttar skemmdar, eins og eftir umferðaróhapp en
sé það skilgreint sem tjónabíll er búið að skrá það sem óökuhæft og
verður það meðhöndlað sem slíkt. Heilt ökutæki er í fullu lagi og
krefst engrar sérstaka viðgerða sem vert er að minnast á.
Staðsetning
VÍS hýsir útboðsvörur sínar á 3 stöðum. Megnið af útboðsvörum VÍS eru geymdar í
Þjónustumiðstöð VÍS Kópavogi en einnig geta útboðsvörur verið hýstar á
Egilsstöðum og á Akureyri. VÍS tekur að sér flutning á útboðsvörum milli staða
gegn gjaldi.
Upplýsingar um hlut
Hér er að finna nánari upplýsingar um útboðsvörur aðrar en ökutæki.
Í einkaeign
Þýðir að VÍS er ekki eigandi hlutarins. Notendur gera tilboð í hlutinn
eins og venjulega nema að útboðinu loknu sér eigandi hlutarins um að hafa
samband við tilboðshafa.
Ástand
Segir til um ástand hlutarins. Hlutur getur verið annað hvort heill eða
skemmdur. Heill hlutur hefur ekki orðið fyrir neinu tjóni og telst vera nýr eða
notaður. Skemmdur hlutur hefur aftur á móti orðið fyrir einhverskonar tjóni,
útlitslegu eða öðru.
Staðsetning
VÍS hýsir útboðsvörur sínar á 3 stöðum. Megnið af útboðsvörum VÍS er geymdur í
Þjónustumiðstöð VÍS Kópavogi en einnig geta útboðsvörur verið hýstar á
Egilsstöðum og á Akureyri. VÍS tekur að sér flutning á útboðsvörum milli staða
gegn gjaldi.
Tilboð
Til að geta gert tilboð í útboðsvörur þarf notandi að vera innskráður á vefnum.
Hver notandi getur gert mest 3 tilboð í hverja útboðsvöru og er honum frjálst
að skrá hvaða upphæð sem er svo lengi sem hún er á bilinu 1 - 999.999.999 kr.
Notendur geta hætt við tilboð sín að vild svo lengi sem útboðið er opið.
Til að gera tilboð í útboðsvöru þá gefur notandi upp 1 til 3 tilboð og smellir
á 'Staðfesta'. Til að hætta við tilboð sem notandi hefur gert
smellir hann á hnapp merktan rauðu 'x' við það tilboð sem hann vill
eyða.
Eftir að útboði lýkur er hægt að sjá stöðu tilboðanna sem notandi gerði í
útboðsvörurnar á síðunni 'Tilboðin mín'.
Skráning tilkynninga
Tilkynningar eru hugsaðar til þess að hægt sé að miðla
upplýsingum til notenda. Til að skrá tilkynningu er texti skrifaður í
viðeigandi svæði og loks smellt á 'Skrá'. Auk tilkynningarinnar birtist sá
tími sem tilkynningin var gerð auk fullt nafn notandans sem gerði
tilkynninguna. Hver tilkynning getur verið 400 stafir á lengd.
Tilkynningar
Hér er að finna tilkynningar um útboðsvörur. Tilgangur þeirra er að veita
notendum vefsins meiri upplýsingar um útboðsvöruna og aðstoða hann í því að
finna hugsanlega varahluti. Aðeins bílapartasalar og aðilar tengir
bílaiðnaðinum gera tilkynningar á vefnum eins og er. Hjá einstaka aðila þá
birtist undirskrift hægra megin við tilkynninguna. Í undirskriftinni er
að finna upplýsingar til að notandi geti komist í samband við viðkomandi aðila
(símanúmer, gsm, faxnúmer, heimilisfang o.þ.h.).
Nýskráning
Útboðsvefur VÍS er aðgangsstýrður. Það merkir að til að taka þátt í útboðum
þurfa notendur að innskrá sig. Til að geta nýskráð sig þurfa notendur að lesa
vandlega notkunarskilmála VÍS og gefa upp kennitölu sína til að staðfesta það
að þeir gangi að þeim skilmálum sem VÍS setur varðandi notkun á vefnum. Að því
loknu gefur notandi upp upplýsingar um sig m.a. kenniorð og lykilorð sem notað
verður á vefnum og það símanúmer sem hringt skal í til að starfsmenn
Þjónustumiðstöðvar VÍS geti náð í viðkomandi. Tilgangur aðgangsstýringarinnar
er fyrst og fremst sá að tryggja öryggi upplýsinga sem notendur gefa upp á
vefnum.
Almennar upplýsingar
Hér er að finna grunnupplýsingar um skráða notendur vefsins. Með þessu
móti getum við boðið upp á meira öryggi við meðhöndlun tilboða auk þess að
bjóða notendum upp á ýmiss konar þjónustu, s.s. að fá send sms smáskilaboð
þegar tilboð þeirra er hæst.
Upplýsingar um aðgang notenda
Þar sem vefurinn er aðgangsstýrður þarf notandi að velja sér kenniorð og
lykilorð við nýskráningu. Kenniorði er ekki hægt að breyta eftir að nýskráningu
er lokið en lykilorði er hægt að breyta hvenær sem er.
Kenniorð
Við nýskráningu velur notandi sér kenniorð sem hann notar í framtíðinni til að
skrá sig inn á lokaðan hluta vefsins. Þar getur hann gert tilboð í útboðsvörur
og séð upplýsingar um viðskipti sín á vefnum. Aðeins kenniorð notanda verður
sýnilegt öðrum notendum á vefnum en aðrar upplýsingar sem notandi hefur gefið
upp verða það ekki. Kenniorðið verður að vera minnst 3 en mest 20 stafir að
lengd og má innihalda öll tákn að undanskildum < > og '.
Lykilorð
Lykilorð verður að vera minnst 6 og mest 12 stafir að lengd. Staðfesta verður
lykilorðið til að koma í veg fyrir innsláttarvillur. Lykilorði er hægt að
breyta hvenær sem er með því að fara í 'Persónuupplýsingar' og slá inn nýtt
lykilorð. Ef notandi gleymir lykilorðinu sínu getur hann haft samband við
Þjónustumiðstöð VÍS í síma 560-5246 eða 560-5249 eða sendt tölvupóst á
utbod@vis.is
.
Upplýsingar um samskipti við notendur
Gefa verður upp a.m.k. eitt símanúmer til að starfsmenn VÍS geti haft samband
við tilboðshafa. Auk þess er hægt að gefa upp netfang til að fá sendan
tölvupóst og biðja um að fá SMS skilaboð með upplýsingum tengdum þeim vörum sem
notendur hafa sýnt áhuga á. Ekki er hægt að fá send SMS eða tölvupóst nema
notandi gefi upp GSM síma og netfang.
Undirskrift tilkynninga
Ef notandi vill þá getur hann skilgreint hérna upplýsingar sem birtast sem
undirskrift þegar hann skráir inn tilkynningar við útboðsvörur. Ef svæðin eru
skilin eftir tóm þá er engin undirskrift skráð. Til að eyða undirskrift
sem hefur verið skráð þá er nóg að hreinsa allar upplýsingarnar úr
svæðunum. Einungis þeir notendur sem geta skráð tilkynningar á
útboðsvefinn fá aðgang að þessari undirskrift.
Kaupsaga notanda
Hér sjást þær vörur sem notandi hefur keypt á útboðsvef VÍS.
Keypt - Dagsetningin á hvenær útboðið lokaði sem varan var keypt á.
Heiti vöru - Heiti vörunnar sem notandi hefur keypt.
Tegund útboðs - Á hvernig útboði varan var keypt á.
Tilboð - Hve hátt tilboðið hljóðaði sem notandi gerði
Kaupverð
- Endanlegt kaupverð vörunnar.
Síðustu útboð
Hér er að finna upplýsingar um öll útboð sem voru haldin á síðustu 7 dögum og
hvernig þau fóru. Hvert og eitt útboð hefur sinn eigin lista sem er tvískiptur.
Annars vegar er listi yfir allar vörur sem hafa selst og svo hinsvegar listi
yfir allar vörur sem hafa ekki selst. Á meðan verið er að vinna úr útboði sést
í þessum lista hver er hæstbjóðandi hverju sinni og hvaða upphæð hann bauð í
vöruna. Strax og varan selst flyst hún yfir í listann af seldum vörum ásamt
endalegu söluverði og kaupanda hennar.
Athugasemdir frá umsjónarmanni
Hér er að finna athugasemdir frá umsjónarmanni Þjónustumiðstöðvar VÍS ef
einhverjar eru. Athugsemdirnar eru áhugaverðir punktar sem vert er að
taka eftir þegar kemur að því að bjóða í vöruna sem þeir eiga við.